2012

Nosferatu: Zinema eta Gerra Zibila Euskal Herrian

Nosferatu: Zinema eta Gerra Zibila Euskal Herrian

75 urte geroago, Zinema eta Gerra Zibila Euskal Herrian

Zinema agiri bat edota eragile bat bezala, eta baita historia idazteko formatu berri bat bezala ere aztertua izan daitekeen artea da. Gerra Zibilean (1936-1939) Durangon eta Gernikan izandako bonbardaketen 75. urteurrena oroitzeko, gerrak gaur egunera arte pantailetan utzi dituen ahalegin propagadistiko edota oroimenezkoak islatzen dituzten filmak egon badaude. Aguirre lehendakariak nazioarteko elkartasunari dei eginda Eusko Jaurlaritzatik bultzatutako propaganda zinematografikoak (Semana Santa en Bilbao, Entierro… eta Guernika) bere kontrapuntua izan zuen dokumental frankisten propaganda faxista basatian (Frente de Vizcaya y 18 de julio, Bilbao para España). Ondoren, matxinatutako alderdi irabazleak historiaren irakurketa filmiko monopolistikoa burutu zuen (El otro arbol de Guernica); eta, bitartean, Gernikakoa bezalako zorigaitzen nazioarteko oroimena, zinemari esker (Resnais, Flaherty, Arrabal), gerrako basakeriaren aurkako borrokaren zeinu bilakatu zen. Azkenik, Franco diktadorearen heriotzaren ondoren, Euskal Herriko Gerra Zibilaren zenbait alderdi –lehendik isilarazitakoak- agerian uzten dituzten beste pelikula batzuk (Zorrila, Boutron, Medem, Camino, Taberna eta Olea, beste batzuen artean) aurrera egin dute gaur egunera arte. Izan ere, Susan Sontagek zioen bezala, izenik gabeko izuak badaude, irudiak falta zaizkielako da. Azken hiru hamarraldietan, ziklo honetan beren filmekin parte hartuko duten zinemagileek, batik bat euskaldunek, ahanzturaren aurka txertatu gaituzte zeluloidearekin.

Irakurtzen jarraitu

Ana Diezi buruzko atzera begirakoa

Ana Diezi buruzko atzera begirakoa

Ana Diez, intimismoa testuinguruarekin

Euskadiko Filmategiak Alex de la Iglesiari buruzko atzera begirakoarekin 2011n abiatutako ibilbideak bigarren emanaldi logikoa izango du orain Ana Diezi eskainitakoarekin. Beraz, tuterarra izango da 2012an Nafarroako Filmotekarekin lankidetzan argitaratuko dugun argitalpen berriaren eta bere filmografia osoaren programazioaren protagonista. Baionan (Cinema L’Atalante/L’Autre Cinema), Bilbon (Golem AlhondigaBilbao), Donostian (Antzoki Zaharra) eta Gasteizen (Cines Florida-Guridi Zinemak) izango diren emanaldiek gaur egunera arte gurean izan den emakumezko zuzendari oparoenaren lanean sakontzea ahalbidetuko die euskal zinemazaleei. Dana Rotbergekin batera sinatutako Elvira Luz Cruz, pena maxima Mexikoko eskola-ariketa gordin zein interesgarriarekin egin zuen debuta. Euskal Herrira itzuli zenean, Angel Amigo produktorearen eskutik abiatu zuen bakarkako ibilbidea, euskal zinemarentzat bereziki emankorra izan zen 80ko hamarraldi amaieran. Ander eta Yul (1989) filmarekin Zuzendari Berri Onenaren Goya Saria eskuratu zuenetik Paisito (2008) pelikulara arte, ia mende laurdena pasatu da: dozena erdi film luze zuzendu ditu, eta sarritan protagonistak Atlantikoa zeharkatu duten pertsonaiak edota indarkeriazko testuinguruekin aurrez aurre topo egin dutenak (baina ia beti barne bizitza antolatzeko borrokan dihardutenak) izan dira. Izan ere, Ana Diezen zinema hunkigarriari errepaso egiteak dastatzeko gogoa pizten duen zapore intimista uzten du.

Irakurtzen jarraitu

Álex de la Iglesiari buruzko atzera begirakoa

Álex de la Iglesiari buruzko atzera begirakoa

Gure arteko zinemagile garaikide garrantzitsuenetakoaren eta nazioartekoenaren filmografia osoa Baionan (Cinema l’Atalante), Bilbon (AlhondigaBilbao), Donostian (Antzoki Zaharra) eta Gasteizen (Aula Fundación Caja Vital Kutxa-CC Dendaraba) programatzea aurrerapauso bat da Euskadiko Filmategiaren historian.

Irakurtzen jarraitu
Zerbitzuak

Non gaude

Tabakalera
Andre Zigarrogileen plaza, 1 (2. solairua)
20012 Donostia

Kokatu gaitzazu mapan

Kontaktua

Euskadiko Filmategia Fundazioaren Patronatua ondorengo erakundeek osatzen dute

Euskadiko Filmategia Fundazioa ondorengo erakundeak finantzatzen du

Ikusentzunezko Arteen eta Zinematografiaren Institutuaren laguntzarekin hobetutako web gunea.